Tuesday, January 13, 2015

असफल लग्न

असफल लग्नाला अनेकदा शनी कारणीभूत असतो. जेव्हा ७ चा सब शनी असतो तेव्हा लग्नाच्या संबंधी काही ना काही वाईट घडत असते. लग्न खूप उशीरा ठरणे, लग्न मोडणे, घटस्फोट, जोडीदाराचा मृत्यू अशा गोष्टी घडतात.

एका पत्रिकेत ७ चा सब राहू होता तरी घटस्फोट झाला होता! अधिक खोलात गेल्यावर लक्षात आले की राहू वर शनीची तिसरी दृष्टी होती. म्हणजे इथे सुद्धा घटस्फोटाला शनीच कारणीभूत होता. (05-May-1955, 21:37 PM, Delhi, 28N36, 77E10)

7 चा सब 1/6/8/10 या भावांपैकीचा कार्येश असेल तर या भावांच्या कार्येश ग्रहाच्या दशा - अंतर्दशेत विवाह सौख्य बिघडते.

कायदेशीर घटस्फोटासाठी 7 चा सब 3 चा कार्येश असावा लागतो. तरच कायदेशीर घटस्फोट होतो. अन्यथा जोडपी नुसते विभक्त होतात व रागाचा भर कमी झाला की पुन्हा एकत्र येतात.

1 मुळे एकत्र कुटुंबात नजमणे. 6 मुळे शरीर सुखाची उणीव, 10 मुळे व्यावसायिक अहंपणा इर्षा, व 8 तीव्र मानसिक मतभेत ही कारणे समजतात.


(c) Copyright 2014, Shreerang Ketkar, All rights reserved.